Аб уручэнні П.Пуставым даверчых грамат
11.04.2019 г.
Кароль Іспаніі Філіп VI, Пасол Беларусі П.М. Пуставы
(фота Службы інфармацыі Каралеўскага дома Іспаніі)
11 красавіка 2019 года адбылася цырымонія ўручэння Надзвычайным і Паўнамоцным Паслом Беларусі ў Іспаніі Паўлам Пуставым даверчых грамат Яго Вялікасці Каралю Іспаніі Філіпу VI. Цырымонія, падчас якой шэсць замежных паслоў уручылі даверчыя граматы, прайшла ў каралеўскім палацы г.Мадрыда.
Пасля ўручэння даверчых грамат адбылася размова іспанскага манарха з Паслом Беларусі П.Пуставым. Філіп VI з задавальненнем адзначыў высокі ўзровень беларуска-іспанскага супрацоўніцтва ў розных галінах узаемадзеяння, асабліва звярнуўшы ўвагу на высокі ўзровень развіцця сферы інфармацыйных тэхналогій у Беларусі. Кароль Іспаніі падкрэсліў значную роль Беларусі як гаранта стабільнасці ва ўсходнееўрапейскім рэгіёне, а таксама даў станоўчую адзнаку высілкам Беларусі ў справе ўрэгулявання сітуацыі на паўднёвым усходзе Украіны.
П.Пуставы ў сваю чаргу адзначыў, што падчас сваёй дыпламатычнай місіі прыкладзе ўсе намаганні для далейшага актыўнага развіцця стасункаў паміж Беларуссю і Іспаніяй.