Аб удзеле Пасла Беларусі П.Пуставога ў мерапрыемстве Сусветнай турысцкай арганізацыі
28.11.2019 г. 28 лістапада 2019 года Пасол Беларусі ў Іспаніі, Пастаянны прадстаўнік нашай краіны пры Сусветнай турысцкай арганізацыі (ЮНВТА) Павел Пуставы прыняў удзел у адмысловым мерапрыемстве для прадстаўнікоў замежных краін пры ЮНВТА, якое было арганізавана Сакратарыятам Арганізацыі.
У сваёй прамове Генеральны сакратар ЮНВТА спадар Зураб Палалікашвілі распавёў аб выкананай за перыяд яго знаходжання на гэтай пасадзе працы, а таксама акрэсліў новыя мэты на будучыню.
П.Пуставы і Генсек ЮНВТА падчас кароткай размовы абмеркавалі актуальны стан пытанняў парадку дня супрацоўніцтва па лініі “Беларусь-ЮНВТА”, у тым ліку плануемыя ў нашай краіне мерапрыемствы, накіраваныя на развіццё турыстычнай сферы.
На фота (л-п): З.Палалікашвілі, П.Пуставы
