Аб адкрыцці беларускага стэнда на турыстычнай выставе “FITUR”
24.01.2019 г.
23 студзеня 2019 года ў г.Мадрыдзе адбылося адкрыццё міжнароднай турыстычнай выставы “FITUR”, якая праходзіць у сталіцы Іспаніі з 23 па 27 студзеня 2019 г.
У межах мерапрыемства быў адкрыты нацыянальны стэнд Рэспублікі Беларусь, якая ўжо другі год запар удзельнічае ва ўзгаданай выставе. З рэкламай турыстычных магчымасцей Беларусі на нацыянальным павільёне прадстаўлены шэраг турыстычных аператараў краіны. На інаўгурацыі стэнда прысутнічалі прадстаўнікі Пасольства Беларусі ў Іспаніі.
Адным з галоўных элементаў нацыянальнага беларускага стэнда стала тэматыка ІІ Еўрапейскіх гульняў, якія пройдуць у г.Мінску з 21 па 30 чэрвеня 2019 г.
Выстава, якая была адкрыта Каралём Іспаніі Філіпам VI, працягнецца да 27 студзеня.
