Беларусь — ЮНВТА

Сусветная турысцкая арганізацыя (ЮНВТА) — спецыялізаваная міжурадавая ўстанова сістэмы ААН, створаная ў 1975 годзе, якая стала правапераемнікам Міжнароднага саюза афіцыйных турысцкіх арганізацый.

Дзейнасць ЮНВТА ажыццяўляецца на падставе Статута Сусветнай турысцкай арганізацыі, прынятага ў г.Мехіка (Мексіка) 27 верасня 1970 года. Менавіта з гэтай прычыны ў 1979 годзе на Генэральнай Асамблеі ЮНВТА ў г.Торремолино 27 верасня быў абвешчаны Сусветным днём турызму (World Tourism Day).

Асноўнай мэтай ЮНВТА з'яўляецца «садзейнічанне развіццю турызма для ўнясення ўкладу ў эканамічнае развіццё, міжнароднае паразуменне, мір, росквіт, ўсеагульную павагу і захаванне правоў чалавека і асноўных свабод для ўсіх людзей без адрознення расы, полу, мовы і рэлігіі» (п.1 арт. 3 Статута ЮНВТА).

Штаб-кватэра Сусветнай турысцкай арганізацыі знаходзіцца ў г.Мадрыдзе.

Кіраўнічымі органамі ЮНВТА з'яўляюцца: 

 — Генеральная Асамблея.

Вышэйшы кіруючы орган ЮНВТА, чарговыя пасяджэнні якога праводзяцца раз у два гады. У пасяджэннях Генеральнай Асамблеі прымаюць удзел Сапраўдныя, Асацыяваныя члены (не больш за 5 чалавек ад кожнай дэлегацыі), а таксама Далучыўшыеся члены (Камітэт Далучыўшыхся членаў прызначае не больш за 3 назіральніка + кожны Далучыўшыйся член прызначае не больш за 1 назіральніка). 

 — Выканаўчы савет.

Складаецца з Сапраўдных членаў, абраных Генеральнай Асамблеяй па прынцыпе «адзін на кожныя пяць Сапраўдных членаў». Тэрмін паўнамоцтваў Савета — 4 гады, з ратацыяй паловы складу Савета кожныя 2 гады; 

 — Сакратарыят.

Складаецца з Генеральнага сакратара і штата супрацоўнікаў, неабходнага для працы ЮНВТА. Генеральны сакратар прызначаецца Асамблеяй (па прапанове Выканаўчага савета) большасцю ў дзве трэціх галасоў прысутных і галасуючых Сапраўдных членаў тэрмінам на чатыры гады.

Па стане на 1 студзеня 2021 г. Генеральным сакратаром Сусветнай турысцкай арганізацыі з'яўляецца Зураб Палалікашвілі.

Члены Сусветнай турысцкай арганізацыі падзяляюцца на тры катэгорыі: 

 — Сапраўдныя члены.

Статус сапраўднага члена ЮНВТА могуць набыць ўсе суверэнныя дзяржавы ў выпадку адабрэння іх кандыдатуры 2/3 галасоў Сапраўдных членаў, прысутных і галасуючых на Генеральнай Асамблеі (пры ўмове, што дадзеныя 2/3 галасуючых Сапраўдных членаў складаюць большасць ад агульнай колькасці Сапраўдных членаў ЮНВТА); 

 — Асацыяваныя члены.

Статус Асацыяванага члена могуць набыць ўсе тэрыторыі (групы тэрыторый), якiя не з'яўляюцца адказнымі за свае знешнія адносіны. Для атрымання адпаведнага статусу тэрыторыі (групы тэрыторый) павінны атрымаць дазвол ад дзяржавы-Сапраўднага члена ЮНВТА, адказнага за іх знешнія адносіны, якое ад імя тэрыторыі (групы тэрыторый) заявіць аб прыняцці Статута ЮНВТА і абавязкаў Асацыяваных членаў.

Наступным этапам з'яўляецца атрыманне адабрэння кандыдатуры 2/3 галасоў Сапраўдных членаў, прысутных і галасуючых на Генеральнай Асамблеі (пры ўмове, што дадзеныя 2/3 галасуючых Сапраўдных членаў складаюць большасць ад агульнай колькасці Сапраўдных членаў ЮНВТА); 

 — Далучыўшыеся члены.

Статус Далучыўшыхся членаў Арганізацыі прадастаўляецца міжнародным арганізацыям, міжурадавым і няўрадавым, якiя маюць спецыяльныя інтарэсы ў турызме, а таксама камерцыйным арганізацыям і асацыяцыям, дзейнасць якіх мае сувязь з мэтамі Арганізацыі ці ўваходзіць у яе кампетэнцыю.

Атрымаць статус Далучыўшагася члена магчыма ў выпадку прадстаўлення Генеральнаму сакратару ЮНВТА заявы ў пісьмовым выглядзе аб прыёме ў Далучыўшыеся члены і адабрэння кандыдатуры 2/3 галасоў Сапраўдных членаў, прысутных і галасуючых на Генеральнай Асамблеі (пры ўмове, што дадзеныя 2/3 галасуючых Сапраўдных членаў складаюць большасць ад агульнай колькасці Сапраўдных членаў ЮНВТА).

Па стане на 1 студзеня 2021 года ў ЮНВТА ўваходзяць:

159 Сапраўдных членаў;

6 Асацыяваных членаў;

больш за 500 Далучыўшыхся членаў, якія прадстаўляюць прыватны сектар, адукацыйныя ўстановы, турыстычныя асацыяцыі і мясцовыя органы дзяржаўнага кіравання турыстычнай кампетэнцыі.

З 4 траўня 2005 г. — даты ратыфікацыі Статута ЮНВТА (Закон Рэспублікі Беларусь ад 4 мая 2005 года № 8-З), Рэспубліка Беларусь з'яўляецца Сапраўдным членам Сусветнай турысцкай арганізацыі.

З моманту ўступлення Беларусі ў склад ЮНВТА быў праведзены шэраг сустрэч на вышэйшым і высокім узроўні паміж кіраўніцтвам краіны і ЮНВТА:

12 красавіка 2007 г. — сустрэча Прэзідэнта Рэспублікі Беларусь А.Р. Лукашэнка з Генеральным сакратаром ЮНВТА Ф.Франжыаллі (г.Мінск);

8 красавіка 2015 г. — сустрэча Міністра спорту і турызму Рэспублікі Беларусь Шамко А.І. з Генеральным сакратаром ЮНВТА Т.Рыфаі (г.Мінск);

16 студзеня 2018 г. — сустрэча Міністра спорту і турызму Рэспублікі Беларусь Шамко А.І. з Генеральным сакратаром ЮНВТА З.Палалікашвілі ў рамках візіту Міністра ў Каралеўства Іспанія для ўдзелу ў адкрыцці беларускага стэнда на міжнароднай турыстычнай выставе «FITUR» (г.Мадрид);

30 чэрвеня 2019 г. — сустрэча Прэзідэнта Рэспублікі Беларусь А.Р. Лукашэнка з Генеральным сакратаром ЮНВТА З.Палалікашвілі ў рамках удзелу кіраўніка ЮНВТА ў цэрэмоніі закрыцця II Еўрапейскіх гульняў 2019 года (г.Мінск);

30 чэрвеня 2019 г. — сустрэча Міністра спорту і турызму Рэспублікі Беларусь Кавальчука С.М. з Генеральным сакратаром ЮНВТА З.Палалікашвілі ў рамках удзелу кіраўніка ЮНВТА ў цэрэмоніі закрыцця II Еўрапейскіх гульняў 2019 года (г.Мінск);

10 верасня 2020 г. — сустрэча Міністра спорту і турызму Рэспублікі Беларусь Кавальчука С.М. з Генеральным сакратаром ЮНВТА З.Палалікашвілі ў рэжыме відэаканферэнцыі.

Рэспубліка Беларусь з'яўляецца пастаянным удзельнікам мерапрыемстваў, якія праводзяцца пад эгідай ЮНВТА і прысвечаныя тэме развіцця міжнароднага турызму.

У прыватнасці, кіраўніцтва Міністэрства спорту і турызму Рэспублікі Беларусь 30 лістапада 2020 г. прыняла ўдзел у міжнароднай відэаканферэнцыі, прысвечанай тэме аднаўлення міжнароднага турызму «Setting the Recovery of International Tourism into Action», па выніках якой была падпісана «Дэкларацыя Ла Пальма» («Declaracion de la Palma»), якая замацоўвае прынцыпы прадпрымаемых мер па аднаўленні міжнароднага турызму ва ўмовах пандэміі COVID-19.

З 2018 года Рэспубліка Беларусь з'яўляецца пастаянным удзельнікам найбуйнейшай штогадовай міжнароднай турыстычнай выставы «FITUR», якая праходзіць у г.Мадриде.

Нацыянальнае агенцтва па турызму Рэспублікі Беларусь традыцыйна прымае ўдзел у міжнароднай выставе заахвочвальных паездак і бізнес камандзіровак «IBTM WORLD VIRTUAL», якая праходзіць у г.Барселоне (апошняя выстава адбылася 8-10 снежня 2020 г. у анлайн-фармаце).

У канцы 2020 г. па запрашэнні кіраўніцтва ЮНВТА кандыдатура ад Беларусі была прадстаўлена для ўключэння ў Камітэт па распрацоўцы Міжнароднага кодэксу абароны турыстаў, рашэнне аб неабходнасці прыняцця якога было прынята ў рамках Генеральнай Асамблеі ЮНВТА 15-17 верасня 2020 г. у г.Тбілісі (Грузія ).