Ганаровыя консульствы Рэспублікі Беларусь
На сёняшні дзень у Іспаніі знаходзяцца два ганаровых консульствы Рэспублікі Беларусь: у гг.Алікантэ і Барселоне.
Звяртаем Вашу ўвагу, што дадзеныя ўстановы не займаюцца непасрэдна консульскімі функцыямі як прафесійныя консульствы (выдача віз, пасведчанняў, прыём дакументаў). Дадзеныя функцыі выконваюцца ў Пасольстве ў Мадрыдзе.
Ганаровы консул садзейнічае развіццю сяброўскіх адносін, пашырэнню гандлёва-эканамічных, інвестыцыйных, культурных, навуковых і іншых сувязяў Беларусі з Іспаніяй.
Ганаровы консул не з'яўляецца дзяржаўным служачым Рэспублікі Беларусь і ажыццяўляе сваю дзейнасць бескаштоўна.